Ukuphazamiseka Kwamanzi Emlazi 2 Reservoir Ngenxa Yomsebenzi Wokulungisa Ophuthumayo
...

Date: 2025-01-03 10:56:26

Ukuphazamiseka Kwamanzi Emlazi 2 Reservoir Ngenxa Yomsebenzi Wokulungisa Ophuthumayo

ISAZISO SOMPHAKATHI
2 JANUWARI 2025

Kwaziswa izakhamizi ngokuphazamiseka kwamanzi ezingxenyeni zaseMlazi naseFolweni ngenxa yomsebenzi ophuthumayo okumele wenziwe edamini lokugcina amanzi, uMlazi 2 Reservoir.
Ukuhlinzekwa kwamanzi kuzophazamiseka ngesikhathi kusaqhubeka lo msebenzi ozokwenziwa ngoLwesihlanu, ngomhla ka-3 Januwari, kusukela ngo-8 ekuseni kuya ku-6 ntambama.
Umsebenzi ozokwenziwa ubandakanya ukukhishwa kwe-valve elimele ukuze kufakwe entsha.
Kulindeleke ukuba amanzi abuye ngokugcwele ezinsukwini ezintathu ezizayo uma idamu uMlazi 2 Reservoir seligcwele, okuzoya nangenani lamanzi emadamini okugcina amanzi ahlinzekwa wuMlazi 2 Reservoir kanjalo nokuthi izinga lokusetshenziswa kwamanzi liphezulu kangakanani ezindaweni ezihlinzekwa yilawa madamu.
Izindawo ezithintekile yilezi:

UMlazi 2 Reservoir: uMlazi ezigcemeni zakwa-C, F, H, J, K, L, M, N, P, R, Q, W, CC, AA, BB no-CC.
UMlazi 3 Reservoir: uMlazi K, L no-J.
UMlazi 6: uMlazi AA, BB no-CC.
ENsimbini 1 Reservoir neNsimbini 2 Reservoir: eNsimbini, Ntabankulu, Draaihoek, Mahlabathini, Mangamazini naseMkhazini.
Folweni 1 Reservoir neFolweni 2 Reservoir: Folweni A, B no-C, Toyota City, Qhosheyiphethe, iSiphingo Esincane neDodoza.

UMasipala uyaxolisa ngalokhu kuphazamiseka kwamanzi.

Ukuze uthole olunye ulwazi mayelana nokuhlinzekwa kwamanzi nokubika ukuphazamiseka kwamanzi, umphakathi ungasebenzisa i-app kaMasipala noma uthumele uWhatsApp ku-073 1483 477. Umphakathi ungasebenzisa nenombolo yamahhala ethi 080 311 1111 noma uthumele i-email ku-Eservices@durban.gov.za.